دليل التقويم عربي 3ثانوي بالاجابات

دليل التقويم عربي 3ثانوي بالاجابات
اللغه العربيه

العربي : إحنا هنمسك العربي فرع فرع ونشوف هنتعامل معاه إزاي وإزاي نذاكر ليه من الأول ..
التعبير : هتقولي هو أنا هذاكر تعبير كمان ؟! بص التعبير عليه 14 درجة يعني 3.5% والواحد ممكن يكون في عرض نص درجة بس .. أنت مش هتذاكره إنما تعرف إزاي تستعد ليه وإزاي تتعامل معاه في الامتحان .. في التعبير الوظيفي اللي هو برقية أو رسالة هتحفظ الشكل بتاعه لأنه الشكل ده لوحده عليه درجة وتعرف إزاي تعمله .. وعندك التعبير الإبداعي اللي هو الموضوع اللي بتكتبه .. عود نفسك علي الكتابة كتير وفي وقت قليل!! ليه ؟! لأن امتحان العربي 3 ساعات مش هينفع تاخد في التعبير أكتر من ساعة إلا ربع وإلا هتضيع باقي الأسئلة ولازم تكتب صفحتين ونص تلاتة .. عشان كدا تعود نفسك ع الكتابة من الأول .. طيب أعمل إيه ؟! خصص كل أسبوع أو أسبوعين ساعة إلا ربع تكتب فيها موضوع عن أي حاجة بشرط ما تكررش الموضوع .. في أول مرة مش هتلحق تكتب غير صفحة في الساعة إلا ربع ومع التدريب هتكتب 3 صفحات .. ده هيعودك تكتب بسرعة وفي أي موضوع وهيفيدك في كل الامتحانات عموماً + هتحسن خطك وده مطلوب في التعبير ..
_ _ _ _ _ _ _ __ _ _ _ __ _ _ _ __
القصة : إحنا كان عندنا قصة طه حسين "الأيام" .. هي القصة لطيفة ، أهم حاجة تركز ع الأحداث وما تتجاهلش أي حاجة فيها حتي لو صغيرة ولازم تعرف طه حسين كان بيحب البليلة ليه وكان بياكلها وهو رايح الكتاب ولا وهو راجع 😂😂 ما تقولش وأنا مالي .. هو كدا 😂😂 ..
أهم نصيحة في القصة سواء اتغيرت أو لاء إنك تقرأها من كتاب المدرسة .. كل فصل تاخده تقرأه والفصل بيكون صفحتين او تلاتة بالكتير مش هياخد منك نص ساعة في القراءة .. وقبل الامتحان بأسبوعين أو شهر اقرأها تاني بس علي بعض قسمها علي 3 أو 4 أيام ولازم تكون الأحداث في دماغك ..
من أكبر الأخطاء اللي بتعملوها بتحفظوا أسئلة ع القصة بإجابتها وده غلط جداً .. اقرأ القصة .. الأحداث في دماغك .. هتحل في الامتحان بأسلوبك مش لازم تكتب الإجابة حرفياً المهم تغطي كل التفاصيل اللي طالبها في السؤال + طبعاً لازم تكون عارف المعاني .. كدا ضمنت النهائية في القصة ..
_ _ _ _ _ _ _ __ _ _ _ __ _ _ _ __
القراءة : مواضيع القراءة سهلة .. كل اللي هتعمله هتقرأها وتعرف التفاصيل اللي فيها وكل النقاط اللي بيغطيها الموضوع + حفظ المعاني .. وأسئلتها بتيجي في الامتحان مباشرة مفيهاش أي حاجة ..
_ _ _ _ _ _ _ __ _ _ _ __ _ _ _ __
البلاغة : سؤال البلاغة من أكتر الأسئلة المضمونة إن شاء الله .. هتحتاج تراجع علي الصور البيانية والبلاغية بتاعت أولي وتانية ودي هتحتاجها في النصوص كمان + لو المنهج زي ما هو في عندكم التجربة الشعرية ودي شوية أسئلة إجابتها بتتحفظ وسهلة .. الموضوع هيجي معاك بالتدريب يعني لو كل أسبوع تحل قطعتين بلاغة هتمشي معاك كويس جداً وعندك كتاب الامتحان بينزل قطع بلاغة ونحو كتير كان حوالي حاجة وسبعين قطعة بلاغة وأكتر من 200 قطعة نحو ..
_ _ _ _ _ _ _ __ _ _ _ __ _ _ _ __
الأدب : من أكتر الحاجات اللي بتسبب مشاكل في العربي .. والأدب عليه 6 درجات يعني 1.5% مش هينفع تقول هسيب سؤال الأدب .. وعشان تذاكر الأدب صح ذاكر كل مدرسة أدبية مع النص بتاعها المقرر عندك وحاول تطبق خصائص المدرسة والحاجات دي علي النص ده هيساعدك تفتكرها وهيساعدك في تحليل النص نفسه .. واعمل ملخص للأدب بأيدك "ملخص بمعني تلم كل حاجة في كام ورقة وما تختصرش أي حاجة" الملخص ده هتذاكر منه وهيفيدك جداً لما هتراجعه قبل الامتحان .. أهم حاجة الأدب ما يتركنش للآخر .. لأنك لما هتكون بتراجعه في آخر شهرين غير لما تكون لسا هتبدأ فيه ..
_ _ _ _ _ _ _ __ _ _ _ __ _ _ _ __
النصوص : ما ينفعش تجيب ملزمة الأستاذ بتاعك وتقعد تحفظ الصور البيانية اللي في النص كلها .. لازم تتعلم إزاي تطلعها بنفسك وكمان المعاني حاول تستنتجها مش تقعد تحفظ فيها إلا لو معني جديد .. النقد مهم جداً ولو في خصائص لأسلوب الكاتب والتعليق علي النص من كتاب المدرسة والحاجات دي .. ما تقولش دي مش مهمة لأن دي هي اللي بيجي عليها الأسئلة أصلاً .. وحفظ النصوص مهم جداً لأن السنة اللي فاتت أسئلة النصوص التلاتة كان فيها اكتب مما تحفظ ..
_ _ _ _ _ _ _ __ _ _ _ __ _ _ _ __
النحو : الأهم من إنك تعرف القاعدة هو إنك تطبق عليها .. لازم تعرف إزاي تعرب كويس .. والإعراب مش بكلمة ولا اتنين لازم تقرأ الجملة كلها وتحدد الكلمة اللي مطلوب منك إعرابها تبع أنهي جملة والمفروض أساسيات الجملة "زي المبتدأ والخبر والفعل والفاعل والمفعول" تكمل الأول قبل ما تجيب زوائد "زي النعت والحال والمضاف إليه" مع مراعاة إنه لازم تراعي لو حصل تقديم أو تأخير في الجملة .. سؤال الاستخراج لازم تركز فيه وتقرأ القطعة مرة واتنين وتلاتة .. بعدين الأسئلة العملية اللي بيقولك أدخل أداة جازمة مثلاً أو تشيل حاجة أو تحط حاجة مكان حاجة فدي بتيجي بالتدريب ولازم تحل وتوري مدرسك عشان تعرف نقاط ضعفك فين وتبدأ تعالجها ..
وكدا العربي خلص

رابط التحميل
الدليل 2017
اضغط هنا للتحميل
الاجابات
اضغط هنا للتحميل
تحرير المقال
عن الكاتب
مقالات مشابهة

ليست هناك تعليقات:

أو يمكنكم الإتصال بنا من خلال النموذج التالي

الاسم بريد إلكتروني* رسالة*

التعليقات

تعليقات الموقعفيس بوك